Negev səhrasında aşkarlanan qeyri-adi tapıntı hər kəsi şoka saldı | 1500 illik məzarlıqda…

20 may 2025 528 baxış

İsraildə aparılan arxeoloji qazıntılar zamanı Negev səhrasında yerləşən Tel-Malxata yaxınlığında 1500 il əvvəlki xristian qəbiristanlığında nadir tapıntılar aşkar edilib.

Arxeoloqlar burada iki qadın və bir uşağa məxsus üç məzar üzərində çalışarkən içərisində qara ağacdan və sümükdən hazırlanmış afrikalı insan fiqurlarına rast gəliblər.

Beş fiqurdan üçü sümükdən, ikisi isə qara ağacdan hazırlanıb. Sümük fiqurlar Neolit dövründən bəri dəfn və ev ritual məqsədləri üçün istifadə olunub. Lakin qara ağacdan hazırlanmış fiqurlar olduqca nadirdir.

Tədqiqatçıların fikrincə, bu əşyalar çox güman bəzək kimi boyundan asılıb gəzdirilib və dəfn edilən şəxslərin ulu babalarını təmsil edə bilər.

Onlar düşünürlər ki, bəlkə də bu insanlar və ya onların əcdadları Afrikadan gəlib, xristianlığı qəbul etdikdən sonra Negevə köçüblər.

Qeyd edək ki, qəbiristanlıq Roma-Bizans dövrünə, yəni eramızın VI–VII əsrlərinə aiddir.

#İsrail