Netanyahu Vaşinqtona yenidən səfər edəcək

Venesuela Prezidenti Nikolas Maduronun ABŞ qüvvələri tərəfindən tutulmasından sonra bir neçə il ərzində ilk dəfə İsrailə neft tədarük etməyə başlayır.

Bu barədə “Bloomberg” məlumat yayıb.

Bildirilir ki, yük İsrailin ən böyük xam neft emalı zavodu olan “Bazan Group” üçün daşınır.

Agentliyin məlumatına görə, son bir ay ərzində Venesuela neftinin böyük hissəsi Hindistan, İspaniya və ABŞ-dəki alıcılara satılıb.

Qeyd edək ki, bundan əvvəl ABŞ lideri Donald Tramp  ABŞ və Venesuela neft ehtiyatlarının dünya üzrə ümumi neft ehtiyatlarının 68%-ni təşkil etdiyini açıqlayıb.

Bu arada, İsrailin Baş naziri Benyamin Netanyahunun bu həftə Vaşinqtona iki günlük səfərinə baxmayaraq, onun fevralın 18-22-də planlaşdırılan səfəri qüvvədə qalır. Bu barədə “The Times of Israel” mənbəyə istinadən məlumat yayıb. Ehtimal olunur ki, ikinci səfər zamanı Netanyahu fevralın 19-da ABŞ lideri Donald Trampın rəhbərlik etdiyi Qəzza üzrə Sülh Şurasının birinci iclasında iştirak edəcək və fevralın 22-də Amerika İsrail İctimai Əlaqələr Komitəsinin konfransında çıxış edəcək. Daha əvvəl bildirilmişdi ki, Netanyahu Trampla görüşmək üçün fevralın 11-də Vaşinqtona yollanacaq.