Nikol Paşinyanla Anna Akopyan ayrıldı? - Baku TV

Ermənistan Baş nazirinin həyat yoldaşı Anna Akopyan Nikol Paşinyanla münasibətlərinə son qoyduğunu bildirib.

Bu barədə Ermənistan mediası məlumat yayıb.

Anna Akopyan bildirib ki, daha əvvəl sosial şəbəkələrdə yayılan vətəndaş nikahının başa çatması haqqında məlumat məhz onların birgə həyatının bitməsini nəzərdə tuturdu. O, sosial şəbəkə hesabında paylaşım edərək N.Paşinyanla nikahlarının başa çatdığını və bu gün hökumət iqamətgahını tərk edəcəyini deyib.

A.Akopyanın sözlərinə görə, bundan sonra o, kirayə mənzildə yaşayacaq, çünki aldığı ev hələ tikinti prosesindədir. Yaşayış xərclərinə gəlincə isə onun hesabında 5 milyon dram, təxminən 13,3 min dollar qalır.

A.Akopyan vurğulayıb ki, “Mənim addımım” Fondunda işini davam etdirmək istərdi.

Ermənistan Baş naziri Nikol Paşinyan da Anna Akopyanla münasibətlərinin pozulmasını şərh edib. O öz şərhini “Facebook” sosial şəbəkəsində yazıb.

“Mən Annanın qərarına hörmətlə yanaşıram. Son 30 il ərzində bütün çətin günlərimdə o mənim yanımda olub, dayağım və dəstəyim olub. Əmin deyiləm ki, mən də Anna üçün eyni olmuşam. Ola bilsin ki, ona daha çox acı yaşatmışam, bunun üçün üzr istəyirəm”, – deyə N.Paşinyan yazıb.