Norveçlilərə xəbərdarlıq: casus balinadan uzaq durun

Norveç Balıqçılıq İdarəsi vətəndaşlardan “Rusiyanın casus balinası”ndan uzaq durmalarını xahiş edib.

“Beluqa balinaları ilə təmasdan çəkinin. Rusiyanın casusu olan balina Oslo Fyord körfəzinin daxili hissəsində yaşayır”, – deyə Norveç Balıqçılıq İdarəsinin rəhbəri Franka Bakke - Yensena vətəndaşlara müraciətində qeyd edib. O, həmçinin qayıqlardan istifadə edən şəxslərdən son dərəcə diqqətli olmalarını xahiş edib.

Məlumata görə, “Xvaldimir” ləqəbli balina Rusiyadan üzüb gəlib. Belə ki, 2019-cu ilin yazında norveçli balıqçılar kamera quraşdırılması üçün yerləri olan xüsusi hazırlanmış kəmər taxılmış ağ balina görüblər. Kəmərin üzərində isə Sankt-Peterburqdan olan bir şirkətin loqosu olub.