Pleyeri seçin:
Ölkə Prezidenti öz kabinetində həbs edildi
Qvineya-Bisauda dövlət çevrilişi baş verib.
Hərbçilər ölkə üzərində tam nəzarətin qurulduğunu və bütün sərhədlərin bağlandığını elan ediblər.
"Prezident və parlament seçkilərindən 3 gün sonra Qvineya-Bisauda hərbçilər ölkə üzərində tam nəzarəti və seçki prosesinin dayandırıldığını elan ediblər", – deyə məlumatda bildirilir.
Prezident Umaru Sissoko Embalo və daxili işlər naziri Boçe Kande həbs olunublar. Baş Qərargah rəisi və onun müavini də saxlanılanlar arasındadır.
Məlumata görə, həbs Prezidentin kabinetində baş verib. Bu barədə Prezidentin özü media orqanlarından birinə zəng edərək məlumat verib.
Bildirilir ki, çevriliş Ordu Baş Qərargah rəisi tərəfindən təşkil edilib. Prezident sarayı və Milli Seçki Komissiyası yaxınlığında silah səsləri eşidilib. Hərbi geyimli şəxslər ölkənin paytaxtı Bisauda yerləşən saraya aparan əsas yolu nəzarətə götürüblər.
Ümumilikdə vəziyyət qeyri-müəyyən olaraq qalır.
Kopyalandı
