Pleyeri seçin:
Ölkənin gömrük orqanları pilotsuz uçuş aparatlarına qarşı mübarizə aparacaq - Baku TV
Rusiya Prezidenti Vladimir Putin gömrük orqanlarına pilotsuz uçuş aparatları ilə mübarizə aparmaq səlahiyyəti verən qanunu imzalayıb.
Bu barədə sənəd rəsmi hüquqi informasiya portalında dərc edilib.
Bildirilib ki, bundan sonra gömrük işçiləri idarənin obyektlərinə hücum edildikdə və ya belə bir təhlükə olduqda dronların hərəkətinin qarşısını almaq imkanına malik olacaqlar.
Gömrük əməkdaşlarına pilotsuz cihazların məsafədən idarəetmə siqnallarını söndürməyə və ya dəyişdirməyə, idarəetmə pultlarına təsir göstərməyə, eləcə də aparatların özünü zədələməyə və sıradan çıxarmağa icazə verilir.
Bu qərar bütün növ avtomatlaşdırılmış pilotsuz komplekslərə, hava, sualtı, suüstü aparatlara, o cümlədən pilotsuz nəqliyyat vasitələrinə şamil olunur.
Qərar vermə prosedurunu və buna səlahiyyətli olan vəzifəli şəxslərin siyahısını gömrük sahəsi üzrə federal icra hakimiyyəti orqanı təyin edəcək.
Qanun rəsmi şəkildə dərc olunduqdan 30 gün sonra qüvvəyə minir.
Kopyalandı
Seçilmişlər
