OMON-ların azərbaycanlıların şənliyinə basqınının səbəbi ortaya çıxdı

Noyabrın 14-ü Rusiyanın xüsusi təyinatlı polis dəstələri Voronej şəhərində yerləşən “Ford” restoranına basqın edib.

OMON əməkdaşlarının keçirdiyi əməliyyat nəticəsində azərbaycanlıların doğum günü tədbiri yarıda dayandırılıb. Bununla bağlı videogörüntülər “Telegram” kanallarda paylaşılıb.

Mərasimin keçirildiyi məkana gələn polislər toyda iştirak edənlərin sənədlərini yoxlayıblar. Nəticədə 50 nəfərə elə yerində Rusiya Ordusuna çağırış vərəqəsi verilib. Sənədləri qaydasında olmayan bir neçə nəfərin də saxlanıldığı bildirilir. İlkin məlumata görə, saxlanılan şəxslərin deportasiya olunacaqları gözlənilir.