Onların hər ikisini məğlub etmək üçün... | Trampdan iddialı paylaşım

ABŞ-də noyabrda keçiriləcək prezident seçkilərində Demokratlar Partiyasından iki namizədə eyni vaxtda qalib gəlmək üçün unikal fürsət yaranıb.

Bu barədə ABŞ-nin keçmiş Prezidenti Donald Tramp “X” hesabında yazıb.

“Bu, demokratların bir deyil, eyni anda və bir ildə iki namizədini məğlub etmək üçün unikal imkandır”, – deyə D.Tramp qeyd edib.

ABŞ-nin hazırkı prezidenti Co Bayden və köməkçilərinin isə onun prezidentlik yarışından geri çəkilməsi ilə bağlı xalqa müraciət hazırlamağa başladığı bildirilir.

Məlumata görə, müraciətdə onun nə üçün seçkilərdə iştirakdan imtina etmək qərarına gəldiyi daha ətraflı izah ediləcəyi bildirilir. Müraciətin dəqiq nə vaxt olacağı məlum deyil.