Pakistanda hökumət nümayəndələri büdcəyə belə dəstək oldu

Pakistanın Baş naziri Şahbaz Şərif və nazirlər hökumət xərclərini azaltmağa yönəlmiş qənaət tədbirləri çərçivəsində maaş və müavinətlərdən könüllü olaraq imtina ediblər. Bu barədə yerli media məlumat verib.

Bildirilib ki, Pakistanda yeni trendə çevrilən bu qənaət təşəbbüsünə ilk qoşulanlardan biri ölkənin Prezidenti Asif Əli Zərdari olub.

Bundan başqa, Nazirlər Kabineti əlavə xərclərdən azad olmaq üçün hökumət nümayəndələrinin xaricə səfərlərini belə məhdudlaşdırıb.