Pakistanda kamikadze hücumu | Terrorçu polis bölməsinin qarşısında... - Baku TV

Pakistanın Svat bölgəsinin Kabal qəsəbəsində yerləşən polis bölməsinin qarşısında terror aktı törədilib.

Yerli KİV-in verdiyi xəbərə görə, terrorçu kamikadzenin özünü partlatması nəticəsində azı 14 nəfər həlak olub, daha 20 nəfər yaralanıb.

Məlumata əsasən, terrorçu polis bölməsinə daxil olmağa çalışarkən hüquq-mühafizə orqanları tərəfindən dayandırılıb. Lakin əməkdaşlar onun üzərində axtarış aparmaq istəyərkən, o, belindəki partlayıcı qurğunu işə salıb və nəticədə partlayış baş verib, 14 nəfər həlak olub.

Qeyd olunur ki, hadisə məhz yüzlərlə yerli sakinə məxsus etiraz aksiyasının keçirildiyi ərazinin yaxınlığında qeydə alınıb. Aksiya iştirakçıları Svat vadisində isə son vaxtlar artan terror hadisələrinə etiraz edir, hökumətdən bölgədə təhlükəsizliyin təmin olunmasını tələb edirdilər.

Məlumata görə hücumla bağlı məsuliyyəti heç bir qruplaşma öz üzərinə götürməyib. Ölü sayının artacağı isə istisna edilmir.