Paşinyan kef edir, müxalifət və kilsə isə... | Baş nazirin məzuniyyəti başına bəla oldu?

“Müxalifətçilərin fikrincə, Ermənistanda gərginlik və nifrət hökm sürür. Vardavar bayramı ilə bağlı görüntülərə baxanda isə sual yaranır ki, nifrət və gərginlik haradadır?”.

Bu sözləri Ermənistanın Baş naziri Nikol Paşinyan özünün “Facebook” səhifəsində yazıb.

Qeyd edək ki, iyulun 18-dən etibarən N.Paşinyan məzuniyyətdədir və onun istirahət günləri avqustun 15-dək davam edəcək. Müxalifət isə onun məzuniyyətdə olduğu müddətdə öz istəklərinə çatmaq niyyətindədir.

“Taşir” Şirkətlər Qrupunun rəhbəri Samvel Karapetyan çevriliş çağırışlarına görə həbs edilməsinə baxmayaraq, eyni məzmunlu çıxışları davam etdirir. Onun sözlərinə görə, N.Paşinyan hökuməti gənclərin müqavimətini sındıra bilməyib.

“Onlar jurnalistləri susdura, azad sözün qarşısını ala bilmədilər. Bizim tərəfdarlarımız da tutduqları yoldan dönmədilər. Həbsxanada ölümlə üz-üzə olsalar da, amallarına sadiq qalacaqlar. Kilsənin də missiyası yarımçıq dayandırılmadı. Arxiyepiskoplar təqib olunduqca insanların hökumətə inamı azalır. Kilsəyə hücumlar insanları Eçmiədzin ətrafında müdafiə səddinə çevirir”, – deyə S.Karapetyan bildirib.

O qeyd edib ki, Ermənistan tarixində çoxdan gözlənilən yeni səhifə açılacaq