Paşinyan, Simonyan və Mirzoyanın qətlini kim sifariş verib? | Dəhşətli səs yazısının detalları
“Ermənistanda terrorizm, hərbi və ya digər qanunsuz çevrilişə yer yoxdur”.
Bunu Ermənistan parlamentinin vitse-spikeri Ruben Rubinyan deyib.
O bildirib ki, Baqrat Qalstanyanın başçılıq etdiyi nümayişlər uğur qazanmadı deyə “Müqəddəs mübarizə” adlandırılan hərəkatın başçılarının aqressiyası terrorçu xarakter almağa başlayıb.
“Onlar əvvəlcə 2018-ci ildəki “Məxməri inqilab”ı təkrarlamaq istədilər, amma alınmadı. Buna görə də qəddar fazaya keçdilər. Müxalifətçilər bütün ittihamlara qarşı şübhə yaratmağa çalışırlar. Səs yazılarının süni intellekt vasitəsilə yaradıldığını deyənlər indi bəraət qazanmağa çalışırlar ki, bu, sadəcə, söhbət idi.
“Nikol Paşinyan, Alen Simonyan və Ararat Mirzoyanı öldürsəm, mənə nə verəcəksiniz?” sualları olan səs yazısına necə adi söhbət demək olar axı?”, ‒ deyə R.Rubinyan əlavə edib.
Qeyd edək ki, həmin səs yazısında B.Qalstanyan bəyan edib ki, bir neçə nəfəri öldürüb, 15 adamı həbs etdirib, onların ailələrinə təzminat versəniz, xoşbəxt olacaqlar. Belə dəlillərə görə o, hazırda həbsdədir. Maddi təzminatın isə hazırda həbsdə olan Samvel Karapetyan tərəfindən ayrılacağı bildirilirdi.
#Ermənistan teqi istifadə olunub
- Azərbaycan niyə Ermənistana məhkumları təhvil verdi? - QƏRBİ AZƏRBAYCAN XRONİKASI
- Lavrov Ermənistana xəbərdarlıq etdi
- “Gərginliyin azalması iqtisadi nəticələr verməyə başlayıb”
- Paşinyan Azərbaycan-Ermənistan münasibətlərindən danışdı - Baku TV
- "Bizim üçün adi vəziyyət deyil" - Ermənistan Prezidentindən Azərbaycanla bağlı açıqlama - Baku TV
