Paşinyanın hakimiyyətdə olması belə adlandırıldı | Oskanyan od püskürdü

29 yanvar 2025 309 baxış

Ermənistanın keçmiş xarici işlər naziri Vardan Oskanyan Baş nazir Nikol Paşinyanı devirməyə çağırıb.

Bu barədə o, sosial şəbəkə hesabında paylaşım edib. V.Oskanyan hazırkı liderin Ermənistana rəhbərlik etməsini milli fəlakət adlandırıb.

“N.Paşinyanın hakimiyyətdə qalması təkcə siyasi məsələ deyil, həm də milli fövqəladə hal kimi qiymətləndirilə bilər. Onun rəhbərliyi dövründə daim alçaldılma, məğlubiyyət və tənəzzül olub”, – deyə o əlavə edib.

Sabiq nazirin sözlərinə görə, N.Paşinyan lider kimi yox, əlindəki gücdən ümidsizcəsinə yapışan adam kimi ölkəni idarə edir.

V.Oskanyan onu da bildirib ki, Ermənistan artıq N.Paşinyanın uğursuzluqları ilə barışmır və o, hakimiyyətdə nə qədər çox qalsa, bir o qədər ziyan vuracaq.

Ölkənin keçmiş xarici işlər naziri artıq bəhanələrin vaxtının bitdiyini vurğulayıb.

“N.Paşinyan Ermənistanın ləyaqəti, təhlükəsizliyi və gələcəyi naminə ölkədən getməlidir”, – deyə o qeyd edib.

#Ermənistan