Peskov Paşinyanın ittihamlarına sərt cavab verdi | Ermənistan özü bu yolu seçir...

“Kollektiv Təhlükəsizlik Müqaviləsi Təşkilatından Ermənistan üçün heç bir təhlükə yoxdur”.

Bunu Rusiya Prezidentinin mətbuat katibi Dmitri Peskov Ermənistanın Baş naziri Nikol Paşinyanın “KTMT Ermənistanın suverenliyi üçün təhlükədir” bəyanatına münasibət bildirərkən deyib.

O, rəsmi Moskvanın N.Paşinyanla qəti şəkildə razılaşmadığını söyləyib. Əlavə edib ki, söhbət Ermənistanın suveren hüquqları sahəsinə aid olan məsələlərdən gedir.

“Ermənistan özü strateji, taktiki inkişaf yollarını seçir, lakin biz bu açıqlamalarla razı deyilik. Rusiya Ermənistanla təmasları davam etdirir və bundan sonra da davam etdirəcək. Ermənistan bizim yaxın tərəfdaşımızdır”, – deyə Kremlin sözçüsü əlavə edib.