Peskov Putinin səfəri ilə bağlı nələri açıqladı? | Hər şey diqqətlə hazırlanıb və…
Kreml Monqolustanın Beynəlxalq Cinayət Məhkəməsində iştirakından narahat deyil.
Bu barədə Rusiya Prezidentinin mətbuat katibi Dmitri Peskov Vladimir Putinin sentyabrın 3-də Monqolustana rəsmi səfəri ilə bağlı danışarkən deyib.
O bu səfərin bütün aspektlərinin diqqətlə hazırlandığını vurğulayıb.
“Narahatlıq yoxdur, Monqolustanda olan dostlarımızla gözəl dialoqumuz var”, – deyə o qeyd edib.
Məlumat üçün bildirək ki, Rusiya Prezidenti Vladimir Putin sentyabrın 3-də Monqolustana rəsmi səfər edəcək.
Kremlin mətbuat xidmətindən verilən xəbərə görə, dövlət başçısının səfəri Monqolustan Prezidenti Uxnaqiyn Xurelsuxun dəvəti ilə baş tutacaq.
Səfər çərçivəsində Putin Sovet və Monqolustan Silahlı Qüvvələrinin Xalxin-Qol çayında yapon militaristləri üzərində birgə qələbəsinin 85-ci ildönümünə həsr olunan tədbirlərdə iştirak edəcək.
Rusiya Prezidenti monqolustanlı həmkarı ilə də danışıqlar aparacaq. Görüşdə ikitərəfli münasibətlərin inkişaf perspektivləri müzakirə olunacaq, aktual beynəlxalq və regional problemlər ətrafında fikir mübadiləsi aparılacaq. Bundan başqa, səfər çərçivəsində bir sıra sənədlərin imzalanması da nəzərdə tutulub.
![icon](/images/loading.png)