Putin Ukraynaya nə qədər raket veriləcəyini bilir | Rusiya silah istehsalına başladı

Rusiya Federasiyası "Oreşnik"in kütləvi istehsalına başlayıb.

Bunu Rusiya Prezidenti Vladimir Putin Astanada keçirilən Kollektiv Təhlükəsizlik Müqaviləsi Təşkilatının sammitində bildirib.

Onun sözlərinə görə, Rusiya düşmənin hərəkətlərinə cavab olaraq “Oreşnik”in döyüş sınaqlarını davam etdirəcək:

“Təbii ki, biz Qərbdən Ukraynaya artıq tədarük edilmiş və ediləcək raketlərin siyahısından xəbərdarıq. Biz potensial düşmənin müvafiq silah sistemlərinin sayını, onların konkret harada yerləşdiyini, Ukraynaya nə qədər silah verildiyini və plana uyğun olaraq, nə qədər tədarük ediləcəyini bilirik”.

Prezident xatırladıb ki, Rusiya Federasiyası NATO-ya uzaqmənzilli raketlərdən istifadə ilə bağlı dəfələrlə xəbərdarlıq edib:

“Təbii ki, “Oreşnik”in dünyada analoqu yoxdur. Düşünürəm ki, heç yaxın zamanda da ona oxşar analoq istehsal olunmayacaq. Bu raket hətta yüksək qorunan və dərinlikdə yerləşən obyektlərə də güclü təsir edə bilir. Hərbi və texniki mütəxəssislərin fikrincə, “Oreşnik” raketləri kütləvi istifadə edilsə, onun gücü nüvə silahının istifadəsi ilə müqayisə edilə bilər”.

V.Putin çıxışı zamanı əlavə edib ki, Qərb və NATO Rusiya-Ukrayna münasibətlərinə qarışmasaydı, bu gün vəziyyət bu dərəcədə gərgin olmazdı.