Putin və Tramp Budapeştdə görüşəcək?
Rusiya Prezidenti Vladimir Putin və ABŞ Prezidenti Donald Trampın Budapeştdə mümkün görüşü yalnız Ukrayna münaqişəsinin dayandırılması yolları barədə razılıq əldə olunacağı təqdirdə baş tuta bilər.
Bu barədə Macarıstan xarici işlər naziri Peter Siyarto “Kossuth” radiostansiyasına açıqlamasında bildirib.
Nazir qeyd edib ki, o, Baş nazir Viktor Orbanın Vaşinqtona səfəri zamanı onu müşayiət edib və Ağ Evdə Donald Tramp ilə keçirilən danışıqlarda iştirak edib:
“Sammit yalnız elə bir razılaşma əldə olunarsa, keçiriləcək ki, bu da artıq üç il yarımdır qonşuluğumuzda davam edən müharibənin başa çatmasına gətirib çıxarsın”.
O əlavə edib ki, belə bir görüşün hazırlanması prosesi Ukrayna ətrafında vəziyyətin mürəkkəbliyinə görə bir neçə həftə, hətta aylar çəkə bilər.
Bununla belə, Macarıstan tərəfi Budapeştin mümkün danışıqlar üçün platforma olmağa hazır olduğunu bəyan edib.
#Donald Tramp teqi istifadə olunub
- Putin NATO-ya sərt çağırış etdi | Trampın müharibəni bitirmək istəməsində məqsədi nədir? - Baku TV
- Ağ Evdə sülh müqaviləsi imzalandı | ABŞ lideri daha iki ölkəni barışdırdı- Baku TV
- Putin şərtlərlə razılaşmadı, yeni təklif... | Gündəmi sarsıdan görüşün məxfi detalları - Baku TV
- Tramp Putin-Uitkoff görüşünə münasibət bildirdi | Moskvada nələr yaşanıb? - Baku TV
- Trampın xüsusi elçisi Putinlə nələri müzakirə etdi? - Baku TV CANLI
