“Putinin dəstəsi çalışır ki...” | Ermənistanda ara niyə qarışdı?
“Rusiya iyunun 7-də keçiriləcək parlament seçkilərindən əvvəl Ermənistana qarşı görünməmiş hibrid müharibəyə başlayıb”.
Bunu Ermənistanın “Respublika Uğrunda” partiyasının sədr müavini Ruben Mehrabyan deyib.
“Ermənistandakı boşboğazlar və çirkli ağızların mənbəyi Putindir. Onlar Ermənistanı Belarusa çevirmək istəyirlər ki, sonra gedib Rusiyada eşşək kimi işləsinlər. Putinin dəstəsi Ermənistanı yerlə-yeksan etmək istəyir”, – siyasətçi bildirib.
Mehrabyanın sözlərinə görə, seçkilərə ayrı-ayrılıqda qatılan Samvel Karapetyan, Qaqik Sarukyan və Robert Köçəryan birləşmək üçün Kremldən təlimat gözləyirlər: “Radikal müxalifət lazımi anda birləşəcək. Bir təlimatla birləşib, Ermənistanı Belarusa çevirmək üçün Köçəryanı irəli aparacaqlar. Biz mafiya ilə mübarizə aparırıq”.
Siyasətçinin fikrincə, Robert Köçəryan işlədiyi cinayət əməllərinə görə həbs olunmalıdır: “Köçəryan zolaqlı köynəkdə islah-əmək düşərgəsində olmalıdır. Köçəryan Ermənistan üçün zəhərdir”.
Mehrabyan bununla belə, rusiyapərəst radikal qüvvələrin seçkilərdə məğlub olacağını proqnozlaşdırıb: “Putin iyunun 8-də ağzında məğlubiyyətin acı dadı ilə oyanmalıdır”.
#Ermənistan teqi istifadə olunub
- Putinlə bağlı dediklərinə görə axtarılan Mixail Verbitskidən açıqlama
- Köçəryanın planları niyə alınmadı? | “İndi qurban veriləcəyindən qorxur”
- İrəvanda yeni mərhələ | Paşinyan köhnə sistemin damarlarını kəsir - Baku TV
- Paşinyan rəqiblərini sıradan çıxarır, yoxsa şantajla tərəfinə çəkir? - AKTUAL GÜNDƏM
- Azərbaycan üzərindən Ermənistana 500 tona yaxın buğda daşındı - Baku TV
