Putinin taxıl sözü Afrika liderlərini sevindirdi

Rusiya Prezidenti Vladimir Putin ölkəsinin Afrikaya taxıl ixracında Ukraynanı əvəz edə biləcəyini deyib.

Bu barədə dövlət başçısı Sankt-Peterburqda Afrika ölkələrinin liderlərinin iştirak etdiyi Rusiya-Afrika sammitində bildirib.

“Biz 3-4 ay ərzində Afrikanın 6 ölkəsinə pulsuz taxıl tədarük etməyə hazırıq. Söhbət Burkina-Faso, Zimbabve, Mali, Somali, Mərkəzi Afrika Respublikası və Eritreyadan gedir. Onların hər biri 25-50 min ton taxıl əldə edəcək”, – Rusiya Prezidenti söyləyib.

V.Putin eyni zamanda qeyd edib ki, Qərb Rusiya gübrəsinin kasıb olkələrə təmannasız verilməsinə mane olur.