Pleyeri seçin:
Qahirədən fələstinlilərin qəbul planı ilə bağlı açıqlama | Detallar açıqlandı
“Misir Qəzza zolağından olan fələstinliləri Sinay yarımadasının şimal hissəsində yerləşdirməyi planlaşdırmır”.
Bu bəyanat Misirin dövlət məlumat xidməti tərəfindən yayılıb.
“Bir sıra KİV-də Misirin Qəzza zolağından 500 min sakini Sinayın şimalında yerləşdirməyi planlaşdırdığı iddiası yayılıb. Biz bunu qəti şəkildə təkzib edirik”, − deyə məlumatda bildirilib.
Qeyd edək ki, daha öncə Misir Prezidenti Əbdülfəttah əs-Sisinin ölkəsinin Donald Trampın təşəbbüsü ilə Qəzzadan təxliyə edilən yarım milyon fələstinlini müvəqqəti qəbul etməyə hazır olacağı bildirilib. Bu barədə Livanın “Əl Əxbar” qəzeti məlumat yayıb.
Eyni zamanda digər mənbələr tərəfindən yayılan xəbərlərdə fələstinlilərin Sinay yarımadasının şimalında onlar üçün xüsusi olaraq ayrılacaq bir şəhərə köçürüləcəyi bildirilib. İddia olunub ki, bu məqsədlə fələstinlilərin “Rəfah” keçid məntəqəsi vasitəsilə Misir ərazisinə girişinə icazə veriləcək.
Kopyalandı
#Misir teqi istifadə olunub
Seçilmişlər
