Pleyeri seçin:
“Qanuni oğru” statusundan istifadə edərək görün nə etdi | Qalmaqallı hadisənin detalları
İtaliyanın “Çampino” hava limanında 43 yaşlı Gürcüstan vətəndaşı Mindia Goradze saxlanılıb.
O, kriminal aləmdə “Lavasoğlu Batumski” ləqəbi ilə tanınıb.
Əməliyyatı İtaliya Xüsusi Təyinatlı Qüvvələri, hava polisi və sərhəd mühafizəsi əməkdaşları Beynəlxalq Polis Əməkdaşlıq Xidməti ilə koordinasiyalı şəkildə həyata keçirib.
Bildirilir ki, kriminal avtoritet hava limanına çatdıqdan sonra avtomobilə əyləşdirilərək oradan uzaqlaşdırılıb.
M.Goradze Gürcüstan və Ukrayna hüquq-mühafizə orqanlarının sorğusu əsasında İnterpol xətti ilə axtarışda olub. Amma əməliyyatın əsas səbəbi onun Ukraynanın Odessa vilayətində “qanuni oğru” statusundan istifadə edərək pul tələb etməsidir.
Qeyd edək ki, 2023-cü ildə Mindia Goradze Ukrayna ərazisində şübhəli şəxs kimi tanınıb, daha sonra barəsində qiyabi həbs qərarı çıxarılıb və beynəlxalq axtarışa verilib.
Kopyalandı
Seçilmişlər
