Qərb Rusiya ilə bağlı Paşinyana şərt qoydu | Erməni mediasından sensasiya

“Ermənistan paytaxtı İrəvanda Nor-Nork polis idarəsinin inzibati binasına hücumda “Qərbin izləri” var”. Bu barədə erməni mediası məlumat yayıb.

Qeyd olunub ki, sözügedən hadisə Qərbin Baş nazir Nikol Paşinyana xəbərdarlığıdır.

Nəşr hakim “Vətəndaş müqaviləsi” partiyasındakı mənbəyə istinadən qeyd edib ki, Qərb Ermənistan tərəfini Azərbaycanla tez bir zamanda sülh müqaviləsi imzalamağa məcbur etmək üçün hakimiyyətə təzyiqləri artırır, çünki məhz bundan sonra Rusiyanı Ermənistandan sıxışdırıb çıxarmaq arzusu gerçəkləşə bilər.

Həmçinin əlavə olunub ki, Qərb bu yolla Paşinyana xəbərdarlıq edir. Əgər tez bir zamanda hərəkətə keçməsə, onu daha radikal hakimiyyət nümayəndəsi əvəz edəcək və həmin şəxs Qərbin tələblərini yerinə yetirəcək.