Qəzzada yaşanan insanlıq dramı | Fələstinlilər görünməmiş aclıq riski ilə üz-üzə

Qəzza zolağında ərzaq ehtiyatları tükənib.

Fələstin Qızıl Aypara Cəmiyyətinin hesabatında bildirilir ki, yardım paylama mərkəzləri və bazarlarda problem pik həddə çatıb.

Təşkilatın məlumatına görə, Qəzzada ərzaq vəziyyəti hazırda 19 ayın ən pisidir: “Fələstin əhalisi çox kəskin aclıq riski ilə üz-üzədir. 1 milyondan çox qaçqın və köçkün hətta minimum gündəlik ərzaq ehtiyaclarını belə ödəyə bilmir”.

Təşkilat həmçinin öz ehtiyatlarının tamamilə tükəndiyini deyir. Qeyd olunur ki, Cəmiyyətin işçiləri indi qaçqınları az miqdarda qida ilə təmin etmək üçün icma mətbəxlərinə yalnız çox məhdud miqdarda paxlalılar paylaya bilirlər.

Bildirilib ki, bölgədə müvəqqəti sığınacaqların tikintisi üçün material da tükənib. Xəstəxanalarda elektrik generatorları üçün yanacaq, tibbi ləvazimat, dərman və uşaq qidası yoxdur.

Bir sözlə, Qəzza zolağında insanlıq dramı yaşanır və dünyanın gücü müharibəni dayandırmağa yox, sadəcə bir neçə kiloqram qida ilə təmin etməyə çatır.