Pleyeri seçin:
Qəzzadakı atəşkəsin qaranlıq üzü
İsrail ilə HƏMAS arasında atəşkəs hökm sürsə də, reallıq onu göstərir ki, bölgədə ciddi humanitar problemlər var.
Qəzza sakinləri gündəlik ehtiyaclarını qarşılaya bilmirlər. Humanitar böhranla yanaşı, çadırda yaşayan insanları qorxu bürüyüb. Buna səbəb qarşıdan qış fəslinin gəlməsinə baxmayaraq, insanların çadırlarda qalmasıdır.
“İqtisadi vəziyyət ürəkaçan deyil. Satdığımız məhsullarla yalnız dolanışığımızı təmin edə bilirik. Ümumiyyətlə iqtisadiyyat olduqca pisdir. Biz bir gün yemək yeyirik, o biri gün isə ac qalırıq. Yediyimiz isə yalnız həyatda qalmağa kömək edir. Yəni xüsusi dadlı olan heç nə yemirik”, – Qəzza sakinlərindən biri belə deyib.
Qeyd edək ki, HƏMAS hərbi qruplaşması İsraili atəşkəsi pozmaqda günahlandırır. Çünki atəşkəs razılaşdırılandan sonra Qəzzaya endirilən zərbələr nəticəsində azı 236 nəfər öldürülüb. Eyni iddianı Təl-Əviv də qruplaşmaya qarşı irəli sürüb. Fakt kimi HƏMAS-ın Rəfahda atəşkəsi pozması göstərilir.
Kopyalandı
Seçilmişlər
