"Biz istəyirik hərbi əməliyyatlar tez bitsin" | Putinin sammitdən sonra iclası
Rusiya Prezidenti Vladimir Putin amerikalı həmkarı Donald Trampla avqustun 15-də Alyaskada baş tutan sammitdən sonra iclas keçirib.
O bildirib ki, Amerika lideri ilə Ukrayna böhranının səbəblərini müzakirə edib:
“Onu qeyd etmək istəyirəm ki, söhbət çox səmimi və mənalı keçdi. Fikrimcə, bu bizi lazımi həll yollarına yaxınlaşdırır. Amma ilk növbədə, təbii ki, biz Ukrayna böhranının mümkün həllindən danışdıq. Biz uzun zamandır ki, birbaşa olaraq bu səviyyədə danışıqlar aparmamışdıq.
Görüş zamanı Rusiyanın Ukraynadakı vəziyyətlə bağlı mövqeyini sakit və təfərrüatlı şəkildə ifadə etmək imkanı olub. Təbii ki, biz Amerika Administrasiyasının da mövqeyinə hörmətlə yanaşırıq. Onlar istəyirlər ki, hərbi əməliyyatlar tez bir zamanda başa çatsın, sözsüz ki, biz də bunu istəyirik. İstəyirik ki, sülh yolu ilə bütün sualların həll yolunu tapaq”.
Vladimir Putin əlavə edib ki, Donald Trampla danışıqlar zamanı tərəflər əməkdaşlığın demək olar ki, bütün sahələrini müzakirə ediblər.
#Vladimir Putin teqi istifadə olunub
- Kreml yeni güc balansını Tramp-Putin xətti üzərindən qurur? - Baku TV
- Kreml köhnə şərtlər əsasında danışıqlara razıdır - Baku TV
- Rusiyanı yeni hərbi təhdid gözləyir? | Putin açıqlama verdi
- Müharibənin təsiri artıq Moskvanın daxilində hiss olunmağa başlayıb - Baku TV
- Putinin reytinqi üzə çıxdı | Vətəndaşlar Rusiya Prezidentinin işini bəyənir? - Baku TV
