"Hizbullah"ın yeni lideri bu hərəkəti ilə yadda qalıb | Seçilmiş başçı kimdir?
“Hizbullah” Naim Qasımı özünə yeni rəhbər təyin edib.
O, İsrailin sui-qəsdləri nəticəsində sentyabrın sonunda Beyrutda öldürülən qruplaşmanın sabiq rəhbəri Həsən Nəsrullahı əvəz edəcək.
“Hizbullah”ın açıqlamasında bildirilib ki, N.Qasım bu vəzifəyə qruplaşmanın prinsip və məqsədlərinə sadiq qaldığı üçün seçilib.
Qeyd edək ki, sözügedən yeni lider Həsən Nəsrullahın sağ əli və İsrailə hazırlanan hücum planlarında yaxından iştirak edən “Hizbullah” qruplaşmasının koordinatoru olub.
H.Nəsrullahdan fərqli olaraq o, kütlə qarşısında çıxış etməkdən daim imtina etməsi ilə yadda qalıb.
İsrailin Baş naziri Benyamin Netanyahunun isə “o posta kim təyin edilərsə, tərəfimizdən məhv ediləcək” bəyanatını xatırlasaq, N.Qasımın hakimiyyətdə nə qədər qala biləcəyini təxmin etmək müəmma oyadır.
Xatırladaq ki, son bir ay ərzində İsrail Ordusu başda Həsən Nəsrullah olmaqla qruplaşmanın azı 10 yüksəkrütbəli zabitini və potensial lider ola biləcək üzvlərini məhv edib.
#Hizbullah teqi istifadə olunub
- İsrail və “Hizbullah” arasında davam edən gərginliyə ABŞ-dən münasibət - Baku TV
- İran ABŞ ilə razılaşsa da, İsrail qoşunlarını Livandan çıxarmayacaq
- Livanın suverenliyinə müdaxiləyə icazə verilməyəcək
- "Hizbullah" İsrail Ordusunu pusquya salıb?
- İsrail Ordusu sərhəddən 10 km aralıda yeni mövqelərə nəzarəti ələ keçirdi
