"Shahed" PUA-ları İsrailə çatmadan məhv edildi | ABŞ buna görə cavab verəcək!

13 iyun 2025 297 baxış

İranın İsrailə ilk cavabı dronlarla hücum olub.

Xəbər verdiyimiz kimi, İsrailə 100 PUA istiqamətlənib.

İsrail Silahlı Qüvvələrinin məlumatına görə, İrana məxsus dronlar ələ keçirilib.

İran Silahlı Qüvvələri isə İsrailə cavab hücumunda 800 drondan istifadə olunduğunu bildirib. Hücumun detallları açıqlanmır.

İranın Xarici İşlər Nazirliyinin bəyanatında bildirilib ki, İslam Respublikasına hücuma görə İsrailin bütün müttəfiqləri cavab verməli olacaq.

“Əsas müttəfiq kimi ABŞ məsuliyyət daşıyır”, – bəyanatda deyilir.

Bununla yanaşı, İranın BMT-dəki missiyası İsrailin hücumundan sonra Təhlükəsizlik Şurasının təcili iclasının keçirilməsi ilə bağlı çağırış edib. Məktubda qeyd olunub ki, İranın özünü müdafiə etmək və İsrailin aqressiyasına cavab vermək hüququ var. İran yüksək vəzifəli şəxslərin öldürülməsinə görə İsrailin mühakimə olunmasını da tələb edib.

“İsrailin hücumu İrana müharibə elan etməyə bərabərdir”, – deyə məktubda qeyd olunub.

#İran Silahlı Qüvvələri