"Simpsonlar" bu dəfə Kosovada müharibə olacağını göstərdi

ABŞ-nin məşhur “Simpsonlar” cizgi serialına əsasən, bu il Kosovoda müharibə olacağı ehtimal edilir.

Bu barədə tanınmış amerikalı jurnalist Natali Morris məlumat verib.

Onun sözlərinə görə, müharibə ilə bağlı səhnə 2005-ci ildə yayımlanan “Homerdən uzaqda olan ev” adlı bölümdə nümayiş etdirilib.

“Siz “Simpsonlar”da , 2023-cü ilin payızında Kosovo və Serbiya arasında müharibə olacağını proqnozlaşdıran səhnəni görmüsünüz? Bu sadəcə qəribədir”, – deyə o əlavə edib.

Jurnalist cizgi serialı ilə bağlı daha bir maraqlı məqamın da üstünü açıb. Belə ki, serialın obrazları “Oppenheimer” filminin nümayiş olunduğu kinoteatra gəlirlər. Məlumat üçün bildirək ki, hazırda kinoteatrlarda məhz bu film nümayiş etdirilir.

Natali Morris qeyd edib ki, dünyada baş verən son hadisələr “Simpsonlar” cizgi serialındakı proqnozların özünü doğrultmaqda davam etdiyini göstərir.

Amerikalı jurnalist “Titan” batiskafında baş verən son fəlakəti misal göstərib. Belə ki, serialda batiskafın batmış gəmiyə baxmaq üçün yola düşdüyü və Homer Simpson adlı obrazın oksigeninin tükəndiyini əks etdirən səhnə var.