Ərdoğan Avropa Komissiyasının Prezidenti ilə danışdı
Türkiyə Prezidenti Rəcəb Tayyib Ərdoğan Avropa Komissiyasının Prezidenti Ursula Fon der Lyayenlə telefon danışığında ölkəsinin İran ətrafındakı münaqişənin həlli üçün sülh səylərini dəstəkləməyə hazır olduğunu bildirib.
Bu barədə Türkiyə liderinin ofisinin yaydığı açıqlamada bildirilib.
Ərdoğan münaqişənin həlli səyləri kontekstində Türkiyə ilə Aİ arasında sıx koordinasiyanın davam etdirilməsinin vacib olduğunu qeyd edib.
İrana hücum və sonrakı eskalasiyanın müzakirə edildiyi telefon danışığında Ərdoğan bildirib ki, Türkiyə bütün tərəfləri diplomatiyaya və danışıqlara qayıtmağa dəvət edir və sülh prosesinə hərtərəfli dəstək verməyə hazırdır.
Türkiyə lideri həmçinin İranın Ali Dini Lideri Əli Xameneinin hücumlar nəticəsində həyatını itirməsindən dərin kədər hissi keçirdiyini bildirib.
“Cənab Xameneiyə rəhmət diləyir, qardaş İran xalqına başsağlığı verir, ölkəm və millətim adından dərin hüznlə başsağlığımı çatdırıram”, – deyə Ərdoğan qeyd edib.
#Türkiyə teqi istifadə olunub
- Ərdoğan Cənubi Qafqazdakı vəziyyəti dəyərləndirdi
- Prezident İlham Əliyev Ərdoğana başsağlığı verib
- İlham Əliyev Türkiyə Prezidenti Rəcəb Tayyib Ərdoğana başsağlığı məktubu göndərib - Baku TV
- Trampın sözündən sonra Çin İranı dəstəkləməkdən geri çəkilir? - AKTUAL GÜNDƏM
- 69 minlik dələduzluqda ittiham olunan direktor Türkiyədə ələ keçirildi - Baku TV CANLI
