Rəisinin şəhidliyi İrana xeyir idi | Ölkə rəsmisindən sensasiya yaradan açıqlama

“Mayın 19-da İbrahim Rəisini daşıyan helikopterin qəzaya uğraması vaxtı İmam Zaman orada olub”.

Bu sözləri Nişapur şəhərinin fərmandarı (başçısı) Mehdi Dəvəndə deyib.

“Nişapurda İmam Zamanla əlaqədə olan şəxs prezident və onun yoldaşlarını daşıyan helikopterin qəzaya uğradığı gecə imamı üçbucaq şəklində görüb. Üçbucağın bir tərəfi imamın dayandığı yer, bir tərəfi helikopterin qəzaya uğradığı yer, digər tərəfi isə səkkizinci imamın ziyarətgahı olub”, – M.Dəvəndə bildirib.

O, adını açıqlamadığı həmin şəxsə istinadla İmam Zamanın həyəcanlı və iztirablı vəziyyətdə helikopter qəzası baş verən yerdə dolandığını, ancaq onları xilas etməyi məsləhət bilmədiyini söyləyib: “İ.Rəisinin şəhid olması həm özünün, həm də ölkəmizin xeyrinə idi”.