Pleyeri seçin:
Romada metro stansiyaları muzeyə çevrildi
Romada metro sərnişinləri artıq yol boyu qədim tarixi seyr edə biləcəklər.
İllərlə davam edən gecikmələrdən sonra şəhərdə arxeoloji tapıntıların nümayiş olunduğu iki yeni metro stansiyası istifadəyə verilib.
Kolizeyin yaxınlığında yerləşən "Colosseo-Fori Imperiali" və San Covanni bölgəsindəki "Porta Metronia" stansiyaları pilotsuz "Metro C" xəttinin bir hissəsidir.
Stansiyaların tikintisi zamanı Roma imperatoru Trayan dövrünə aid hərbi kazarma qalıqları, 28 qədim quyu, yaşayış evləri, hamamlar və müxtəlif votiv əşyalar aşkarlanıb.
"Colosseo-Fori Imperiali" stansiyası dörd səviyyədən ibarətdir və burada tapılan küplər, qablar, saç sancaq və heyvan buynuzları kimi arxeoloji nümunələr şüşə vitrinlərdə sərgilənir.
Porta Metronia stansiyasında isə mozaika döşəməli, freskalarla bəzədilmiş böyük hərbi kompleks üzə çıxarılıb. Buradakı muzey hissəsinin gələn ilin əvvəlində açılması planlaşdırılır.
Kopyalandı
#Roma teqi istifadə olunub
- Qeyri-adi gecə həyatı olan şəhər | Onlar hətta evin damında da... - ORALARDA NECƏDİR?
- Romada bayram ab-havası yaradan anlar
- Yanacaqdoldurma məntəqəsində dəhşət | Güclü partlayışın səbəbi nə idi?
- İtaliyada tarixi anlar | ABŞ və İran tərəfləri arasında görüş başladı
- Kral Çarlz və Kraliça Kamillanın Roma gəzintisindən görüntülər
Seçilmişlər
