Rusiya kosmik sənayesində ilk yaşandı
Rusiyanın “Soyuz-2.1b” raketi “Luna-25” kosmik gəmisini müvəffəqiyyətlə Yerin orbitinə çıxarıb. Bu barədə “Roskosmos” məlumat yayıb.
Bildirilib ki, kosmik gəmi Rusiyanın Amur vilayətindəki “Vostoçnıy” kosmodromundan buraxılıb. Əgər hər şey plana uyğun olaraq davam etsə, 5 gündən sonra “Luna-25” 100 km hündürlükdə Ayın yaxın qütb orbitinə daxil olacaq. Cənub qütbünün ərazisində optimal eniş yerini seçmək üçün təxminən 3-7 gün ərzində burada qalacaq.
Plana əsasən, modul “Boquslavski” kraterinin yaxınlığında yerləşdiriləcək. Layihənin yekun mərhələsinin 2035-ci ildən sonrakı dövrdə tamamlanması nəzərdə tutulub ki, o vaxta kimi Ayda elmi bazanın inşası başa çatmalıdır.
Xatırladaq ki, 1976-cı ildən bəri, təxminən 50 ildən sonra Rusiya ilk dəfə Aya kosmik gəmi göndərmək məqsədilə ölkənin uzaq şərqindəki qəsəbələrdən birini boşaldıb.
Sözügedən missiyanın əsas hədəfləri arasında yumşaq eniş texnologiyalarının inkişaf etdirilməsi, Ayın daxili quruluşunun öyrənilməsi və ərazidə su mənbələrinin axtarışı kimi məsələlər öz əksini tapıb.
#Rusiya teqi istifadə olunub
- Paşinyan bir saat havada qaldı | Moskva səmasında nə baş verdi? - Baku TV
- Osmanlı-Səfəvi qarşıdurması Rusiyanın xeyrinə necə işlədi? | QƏRBİ AZƏRBAYCAN XRONİKASI
- İddia: Məşhur iş adamı rusiyalı modeli döydü
- Peskov Putinin şəhər gəzintisi barədə nələri açıqladı? - Baku TV
- Avropa ölkələri Rusiya aktivlərinin müsadirəsi ilə bağlı razılığa gəlib
