Rusiya Ordusu daha bir kəndə nəzarəti ələ keçirdi

10 noyabr 2025 186 baxış

“Rusiya Ordusu cəbhənin əsas sahələrində heç bir irəliləyiş əldə edə bilməyib və Sumı bölgəsində böyük itkilər verirlər”.

Bu barədə ABŞ-nin Müharibənin Öyrənilməsi İnstitutunun hesabatında qeyd olunub.

“Ruslar Sumı istiqamətində, Bezsalovka yaxınlığında fərariliyin yüksək səviyyəsi və lazımi təlim, rabitə və radio əlaqənin olmaması səbəbindən böyük itkilər verirlər”, ‒ deyə sənəddə bildirilib.

Hesabatda həmçinin o da vurğulanıb ki, Rusiya qoşunlarının maddi-texniki bazası genişləndikcə hücumun tempi yaxın günlərdə yenidən artacaq. Bunu Pokrovsk ərazisinə əlavə qüvvələrin göndərilməsi də göstərir.

Ekspertlərin yazdığına görə, hazırda Ukraynanın pilotsuz təyyarələrinin hücumları rusların təchizatını artırmasını çətinləşdirir.

Bu arada, Rusiya Müdafiə Nazirliyinin məlumatına görə, ordu Zaporojye vilayətinin Rıbnoye yaşayış məntəqəsinə nəzarəti ələ keçirib.

#Rusiya Ordusu