Rusiya Ordusundan genişmiqyaslı hücum | Yaşayış binaları və ticarət mərkəzləri vuruldu - Baku TV

Rusiya Ordusu Ukraynanın paytaxtı Kiyevə hava zərbələri endirib.

Hücum nəticəsində şəhərin bir neçə rayonunda yanğınlar qeydə alınıb, mülki obyektlərə ziyan dəyib.

Ukrayna Dövlət Fövqəladə Hallar Xidmətinin yaydığı məlumata görə, Desnyanski rayonunda anbar yanıb, həmçinin avtodayanacaqda iki maşın tamamilə külə dönüb. Şevçenkivski rayonunda istifadəsiz vəziyyətdə olan dördmərtəbəli binada yanğın baş verib.

Kiyev meri Vitali Kliçko bildirib ki, Şevçenkivski rayonunda pilotsuz uçuş aparatının qalıqları 18 mərtəbəli yaşayış binasının üzərinə düşüb.

İlkin məlumata görə, hücum zamanı ölən və ya yaralanan olmayıb.

Krivoy Roqda yerləşən ticarət mərkəzi isə “Shahed” tipli pilotsuz uçuş aparatı ilə vurulub.

Ukrayna mediasının verdiyi məlumata görə, hücum nəticəsində şəhərdə yerləşən ticarət mərkəzlərindən birində yanğın baş verib. Hadisə zamanı xəsarətalanların olub-olmaması ilə bağlı məlumat dəqiqləşdirilir.