Rusiya Prezidenti Vladimir Putin Vyetnama səfər edib

Rusiya Prezidenti Vladimir Putin rəsmi səfər çərçivəsində Vyetnamın paytaxtı Hanoy şəhərinə gedib.

V.Putini Hanoy hava limanında bir sıra dövlət və hökumət rəsmiləri qarşılayıblar.

Rusiya lideri ölkənin bütün ali rəhbərliyi – Prezident To Lam, Vyetnam Kommunist Partiyası Mərkəzi Komitəsinin baş katibi Nquen Fu Çonq, Baş nazir Fam Min Tin və Milli Assambleyanın sədri Çan Txan Manla görüşüb.

Vyetnam tərəfi ilə danışıqlar zamanı ikitərəfli strateji tərəfdaşlıq məsələlərinin müzakirəsi aparılıb.

Səfər çərçivəsində Baş nazirin müavini Dmitri Çernışenko, xarici işlər naziri Sergey Lavrov və digər departament rəhbərləri və rəsmi şəxslər də V.Putini müşayət ediblər.