Rusiyada poliqonda partlayış: ölən və yaralananlar var

Rusiyada hərbi poliqonda partlayış baş verib. Hadisə nəticəsində 1 nəfər ölüb, 2 nəfər yaralanıb.

Bu barədə Rusiya İstintaq Komitəsinin Ryazan Regional İstintaq İdarəsi məlumat yayıb.

Məlumata əsasən, Ryazan vilayətinin Dubroviçi kəndindəki poliqonda qeydə alınan partlayış nəticəsində ölən və yaralananlar Rusiya Qvardiyasının əməkdaşılarıdır.

Odlu silahla təlimlər zamanı partlayıcı qurğu qəfildən işə düşüb. Hadisə ilə bağlı araşdırma aparılır.