Rusiyada vəziyyət getdikcə pisləşir | 9 min azyaşlı təxliyə olunur
Martın 19-u səhər saatlarında Ukrayna Silahlı Qüvvələri yenidən Belqoroda PUA-larla hücum edib.
Hadisə nəticəsində 3 nəfər yaralanıb. Yerli medianın məlumatında onların vəziyyətinin ağır olduğu qeyd olunub.
Rusiya Müdafiə Nazirliyindən isə bildirilib ki, Hava Hücumundan Müdafiə Sistemləri Belqorod üzərində Ukrayna Ordusunun “Vampir” reaktiv yaylım atəş sistemlərinin 9 raketini zərərsizləşdirib.
Hadisə ilə bağlı Belqorod vilayətinin qubernatoru Vyaçeslav Qladkov da açıqlama verib. Qeyd edib ki, adıçəkilən vilayətdən 9 minə yaxın uşaq təxliyə ediləcək. Qərara əsasən, uşaqların Ukrayna Silahlı Qüvvələri tərəfindən atəşə tutulan Belqoroddan, Şebekinski, Qrayvoron rayonundan çıxarılmağı planlaşdırılır. Onlar Penza, Tambov və Kaluqa şəhərlərinə göndəriləcək.