Dünya
Pleyeri seçin:
Ermənistanda hökumət əleyhinə etiraz aksiyaları şiddətlənir
“Vətən naminə Tavuş” hərəkatının lideri, arxiyepiskop Baqrat Qalstanyanın çağırışı əsasında paytaxt İrəvan və bölgələrdə bir sıra avtomobil yolları bağlanıb.
Bu barədə yerli mediada məlumat verilib.
Bildirilib ki, Ermənistan-İran dövlətlərarası avtomobil yolunun Yeğeqnadzordan keçən hissəsində, Ararat vilayətindən İrəvana giriş yolunda, o cümlədən paytaxtın bir sıra küçə və prospektlərində blokadalar qurulub.
Qeyd edək ki, mayın 10-da səhər saat 10:00-dan etibarən Ermənistanda itaətsizlik aksiyaları başlayıb. Tavuş yeparxiyasının arxiyepiskopu Baqrat Qalstanyanın rəhbərlik etdiyi “Vətən naminə Tavuş” hərəkatının tərəfdarları Azərbaycanla sərhədlərin delimitasiya və demarkasiyası prosesini dayandırmaq üçün Kirantsdan İrəvana yürüş ediblər.
Kopyalandı
Seçilmişlər
