Dünya
Pleyeri seçin:
"TikTok"la bağlı müzakirələr başlanıldı | Trampdan hakimlərə xahiş
Çin rəsmiləri sosial media platforması “TikTok”un ABŞ əməliyyatlarına nəzarətini “SpaceX” və “Tesla” şirkətlərinin yaradıcısı, milyarder İlon Maska təhvil verməyi düşünür.
Bu barədə “Bloomberg” agentliyinin mənbələri məlumat verib.
Onların fikrincə, Pekin üçün prioritet ssenari “TikTok”un ana şirkəti “ByteDance”ın mülkiyyətində qalmasıdır.
Bununla belə, sosial platformanın satışı üçün son tarix yaxınlaşdıqca Çin rəsmiləri fəaliyyət planlarını müzakirə etməyə başlayıblar ki, bunlardan biri də şirkətin Amerika əməliyyatlarının İ.Maska satılmasını nəzərdə tutur.
Çinin “ByteDance” şirkəti ya sosial şəbəkəni satmalı, ya da yanvarın 19-dək ABŞ-dəki fəaliyyətini dayandırmalıdır. Hazırkı Prezident Cozef Bayden 2024-cü ildə Konqres tərəfindən qəbul edilən qanunu imzalayıb.
Dekabrın sonunda ABŞ-nin yeni seçilmiş Prezidenti Donald Tramp hakimlərdən qanunun müddəalarını dayandırmağı xahiş edib.
Kopyalandı
Seçilmişlər
