Rusiyadakı məktəb faciəsinin səbəbkarları həbs edilir

Rusiyada məktəblərdən birində şagirdlərə odlu silahdan atəş açaraq qətlə yetirən 14 yaşlı Alinanın atası həbs edilib.

Bu barədə ölkənin Daxili İşlər Nazirliyi məlumat yayıb.

Bildirilib ki, qızın atasına Cinayət Məcəlləsinin silahın saxlanma qaydalarının pozulması maddəsi ilə cinayət işi açılıb.

Eyni zamanda, hadisə ilə bağlı özəl mühafizə şirkətinin baş direktoru və məktəbin mühafizəçisi də tutulub. Alinanın silahla təhsil ocağına necə rahat daxil olması məsələsinə gəlincə isə, şagirdlər buna səbəb kimi məktəbin detektorunun işləmədiyini göstəriblər.