Rusiyadan Dneprə kütləvi hücumlar | Sakinlər qorxu içində
Rusiya Ordusu noyabrın 23-ü Ukraynanın Dnepr şəhərini kütləvi şəkildə dron və raketlərlə atəşə tutub.
Hadisə nəticəsində uşaqlar da daxil olmaqla, 14 nəfər xəsarət alıb, 5 və 9 mərtəbəli yaşayış binasında partlayış, ardınca isə yanğın baş verib. Fərdi yaşayış evləri və 6 avtomobil yararsız hala düşüb.
Ukrayna Ordusunun Hərbi Qərargahından bildirilib ki, son sutka ərzində Rusiyanın daha 920 hərbçisi zərərsizləşdirib.
Rusiyanın noyabrın 19-u Ternopola endirdiyi kütləvi hücum səbəbi ilə şəhərdə axtarış-xilasetmə əməliyyatları davam edir. Partlayış nəticəsində uçan yaşayış binasının dağıntıları altından daha bir neçə nəfərin cəsədi çıxarılıb, bununla da həlak olanların sayı 33 nəfərə çatıb, onlardan 6-sı uşaqdır.
Rusiya Müdafiə Nazirliyindən isə qeyd edilib ki, son sutka ərzində hava hücumundan müdafiə qüvələri Ukraynanın 75 PUA-nı məhv edib.
#Dnepr teqi istifadə olunub
- Ukrayna səmasında qorxulu anlar | Rusiyanın hücumu belə dəf edildi
- Rusiya Ukraynada daha iki yaşayış məntəqəsini ələ keçirdi
- 5 ölkə bu raketlərdən istifadə edəcək? | Rusiya-Ukrayna savaşında həlledici məqam
- Müharibənin gedişatını dəyişəcək hücum | Zelenskidən təcili müraciət
- Dneprdə vəziyyət ağırlaşdı | Hücumlar güclü yanğına səbəb oldu
