Rusiyalı əsgərlər türkləri gəmidə əsir götürdü

Rusiyalı əsgərlərin Qara dənizdə Ukraynanın İzmail limanına səfər edən Türkiyənin “Şükrü Okan” quru yük gəmisini dayandıraraq basqın etdiyi anların görüntüləri yayılıb.

Hadisə avqustun 13-də baş verib. Türkiyə mediasının yaydığı kadrlarda əsgərlərin “Şükrü Okan” yük gəmisinə “Ka-29” tipli helikopterlə enişi, sənədlərin yoxlanışı və qeyri-qanuni malların daşınıb-daşınmadığını öyrənmək məqsədilə aparılan yoxlamalar öz əksini tapıb.

Rusiya Müdafiə Nazirliyindən məsələ ilə bağlı bildirilib ki, yoxlanış beynəlxalq tələblərə uyğun şəkildə həyata keçirilib.