Rusiyanın cənubuna kütləvi dron hücumu | Neft emalı zavodunda güclü yanğın başladı - Baku TV

Ukrayna Rusiyanın Krasnodar diyarına dron hücumu təşkil edib. Nəticədə, neft emalı zavodunda yanğın baş verib.

Bu barədə regionun Operativ Qərargahının "Telegram" kanalında məlumat paylaşılıb.

Qeyd olunub ki, ərazidə operativ və xüsusi xidmət oraqlarının əməkdaşları çalışır, xəsarət alan yoxdur.

Rusiya isə Ukraynanın paytaxtı Kiyevə raket zərbələri endirib.

Kiyev Şəhər Hərbi Administrasiyasının rəhbəri Timur Tkaçenko bildirib ki, hücum nəticəsində Kiyevin Darnitski rayonunda bir neçə ünvanda yanğın baş verib. Yaşayış binasının yaxınlığında, həmçinin avtomobil təmiri stansiyasında alov qeydə alınıb, daha bir qeyri-yaşayış binası da yanıb. İlkin məlumata görə, hadisə nəticəsində iki nəfər xəsarət alıb.

Timur Tkaçenko həmçinin sakinlərə və media nümayəndələrinə Hava Hücumundan Müdafiə sistemlərinin fəaliyyəti, eləcə də düşmən zərbələrinin nəticələri ilə bağlı foto və videoları yaymamağa çağırış edib.

O vurğulayıb ki, bu cür materialların paylaşılmasına görə cinayət məsuliyyəti nəzərdə tutulur.

Qeyd edək ki, Rusiya həmçinin Odessa və Xarkovu da raket atəşinə tutub.