Rusiyanın əsir saxladığı hərbçilər Ukraynaya qayıdır

Avqustun 7-də 22 ukraynalı hərbçi Rusiya əsirliyindən geri qayıdıb.

Bu barədə Ukrayna Prezident Aparatının rəhbəri Andrey Yermak “Telegram” kanalındakı paylaşımında bildirib.

Qeyd edilib ki, əsirlikdən geri qayıdan şəxslər arasında Ukrayna Silahlı Qüvvələrinin əsgərləri, o cümlədən iki zabit, eləcə də müxtəlif rütbəli hərbi qulluqçular var:

“Onlar müxtəlif cəbhələrdə döyüşlərdə iştirak ediblər. Azad edilənlər arasında yaralananlar da var. Əsgərlərdən ən yaşlısının 54, ən kiçiyinin isə 23 yaşı var”.