Fransada miqrantların sayı pik həddə çatıb | Əcnəbilər deportasiya edilə bilər

2023-cü ildə Fransada irqçilik halları 32% artıb.

Bu barədə Fransa İnsan Hüquqları Komissiyasının hesabatında bildirilib. Fransa Daxili İşlər Nazirliyi də məlumatı təsdiq edib.

Hesabatda qeyd olunub ki, fransızların yarıdan çoxu, yəni 51 faizi Fransada özünü evindəki kimi hiss etmir. Bu göstəricidə 2022-ci ilin yazına nisbətən səkkiz pilləlik artım var.

Həmçinin hesabatda bildirilib ki, fransızların 56 faizi hesab edir ki, ölkədə miqrantların sayı həddindən artıqdır.

Bir müddət əvvəl Ultrasağçı siyasi lider Jordan Bardella da baş nazir olacağı təqdirdə partiyasının miqrasiyaya diqqət yetirəcəyini, cinayət törətməkdə təqsirli bilinən əcnəbilərin deportasiyasını asanlaşdırmaq üçün qanuna dəyişiklikləri həyata keçirəcəyini diqqətə çatdırıb.