Rusiyanın Volqoqrad Neftayırma Zavoduna dron hücumu edildi

Rusiyanın Volqoqrad Neftayırma Zavoduna dron hücumu nəticəsində yanğın baş verib.

Bu barədə Volqoqrad quberniyasının mətbuat xidməti məlumat yayıb.

“PUA-nın Volqoqrad Neftayırma Zavodu ərazisinə düşməsi ilə detonasiyası nəticəsində alışma baş verib. Yanğınsöndürmə-xilasetmə qüvvələri çevik şəkildə işə başlayıblar. Yanğın söndürülüb, itki yoxdur”, – şəhər administrasiyasının “Telegram” kanalı qubernator Andrey Boçarovdan sitat gətirib.

Onun sözlərinə görə, ötən gecə hava hücumundan müdafiə qüvvələri Volqoqrad ərazisinə edilən PUA hücumunu dəf edib.