Rusiyanın yeni prezidenti kim olacaq? - Nəticələr açıqlandı

18 mart 2024 96 baxış

Rusiyada seçki bülletenlərinin 99,43 faizi hesablanıb. Bu barədə ölkənin Mərkəzi Seçki Komissiyası məlumat verib.

Nəticələrə görə, Vladimir Putin 87,32 faiz səslə liderdir. İkinci yerdə Rusiya Kommunist Partiyasından namizəd Nikolay Xaritonovdur. O, seçicilərin 4,31 faiz səsini qazanıb. Üçüncü yerdə 3,79 faiz səslə Vladislav Davankov, sonuncu sırada isə 3,19 faiz səslə Leonid Slutski qərarlaşıb.

Məlumat üçün bildirək ki, Rusiyada martın 15-dən başlayan və üç gün davam edən səsvermə martın 17-də yerli vaxtla saat 20:00-da yekunlaşıb. İlk olaraq ölkənin uzaq şərq regionlarında, Kamçatka və Çukotkada, sonda isə Kalininqrad regionunda seçki məntəqələri bağlanıb.

Mərkəzi Seçki Komissiyası məsafədən elektron səsvermədə seçici fəallığının 94 faizə çatdığını, ənənəvi səsvermələrdə isə bu rəqəmin 73%-dən çox olduğunu açıqlayıb. Rusiya Xarici İşlər Nazirliyi isə ölkədən kənarda 249 806 nəfərin səsvermədə iştirak etdiyini bildirib.

#Rusiya