Rusiyaya xam neft ixracı niyə ləğv edilib?

İraqın dövlət neft şirkəti SOMO noyabrda Rusiyanın "Lukoyl" şirkətinə məxsus üç xam neft partiyasının göndərilməsini ləğv edib. Buna səbəb ABŞ-nin "Lukoyl" da daxil olmaqla, Rusiyanın iri neft şirkətlərinə qarşı tətbiq etdiyi sanksiyalar olub.

Ləğv edilən tədarük İraqdakı "Qərbi Kurna-2" yatağından həyata keçirilməli idi. "Lukoyl" bu yataqda 75% paya sahibdir. Neftin göndərilməsi 11, 18 və 26 noyabr tarixlərində baş tutmalı idi.

Keçən ay "Lukoyl" şirkəti dünya miqyasında fəaliyyət göstərən xammal treyderi "Gunvor"un onun xarici aktivlərini almaq təklifini qəbul etdiyini açıqlayıb. "Gunvor"un baş direktoru Torborn Tornkvist mediaya verdiyi müsahibədə "Lukoyl"un dünya üzrə ciddi problemlərlə üzləşdiyini bildirib.

"Lukoyl"un bütün beynəlxalq fəaliyyəti iflic olub. Heç kim onlarla əməkdaşlıq edə bilmir. Minlərlə iş yeri təhlükə altındadır və emal gücü ciddi şəkildə pozula bilər", – deyə o bildirib.

Qeyd edək ki, ABŞ Maliyyə Nazirliyi oktyabrın 23-də "Rosneft" və "Lukoyl" neft şirkətlərinə qarşı əlavə sanksiyalar tətbiq etdiyini açıqlayıb.