Sahil şəhərləri iqlim böhranının hədəfində | İqlim dəyişikliyi Avstraliyanı sınağa çəkir
Qlobal istiləşmə nəticəsində buzlaqların əriməsi ilə okean sularının səviyyəsinin qalxması Avstraliyanın sahil bölgələrində yaşayan əhalini ciddi risk altına salır.
Hazırlanan yeni hesabata görə, Hind və Sakit okeanların arasında yerləşən ölkədə 2050-ci ilə qədər ən azı 1,5 milyon avstraliyalı yüksələn okean suları səbəbindən təhlükə ilə üzləşəcək. 27 milyon əhalisi olan ölkədə 2090-cı ildə bu rəqəmin 3 milyona çatacağı proqnozlaşdırılır.
Bununla yanaşı, artan temperaturun sağlamlıq üzərində mənfi təsirləri də gözlənilir. Vurğulanıb ki, əgər temperatur 3 dərəcə yüksələrsə, təkcə Sidney şəhərində istidən ölüm hallarının sayı 400 faizdən çox arta bilər.
İqtisadi baxımdan da böyük itkilər proqnozlaşdırılır. Mütəxəssislərin hesablamalarına görə, daşınmaz əmlak itkilərinin dəyəri 2090-cı ilə qədər 770 milyard dollar həcmində ola bilər.
#Avstraliya teqi istifadə olunub
