Şahramanyan nədə ittiham olunur? | Detallar açıqlandı

Qarabağda ləğv olunmuş separatçı terrorçu rejimin sonuncu qondarma prezidenti Samvel Şahramanyana qarşı Ermənistanda cinayət işi açılıb.

Bu barədə erməni mediası məlumat yayıb.

O, Ermənistan hökumətinə təhvil verməli olduğu xidməti avtomobilini mənimsəməkdə ittiham olunur. Söhbət iyunun 21-də narkotik vasitələrin qanunsuz dövriyyəsi ilə bağlı cinayət işi çərçivəsində müsadirə edilən xidməti avtomobildən gedir.

Xatırladaq ki, Ermənistan Daxili İşlər Nazirliyinin xüsusi təyinatlıları separatçıların İrəvandakı qondarma nümayəndəliyinin qapısını sındıraraq Samvel Şahramanyanın xidməti avtomobilini evakuatorla çıxarıblar və aidiyyəti üzrə təhvil veriblər.